வயர்லெஸ் மவுஸ் சுட்டிகள்

மவுஸ் சுட்டிகள் தற்போது பெரும்பாலும், வயர் இணைப்பின்றி செயல்படுபவையாகவே கிடைக்கின்றன. இதனால், நாம் கம்ப்யூட்டர் பயன்படுத்தும் இடத்தினை முழுமையாகப் பயன்படுத்த முடிகிறது. அதிக இடம் தேவைப்படாமல் உள்ளது. இந்த வகை மவுஸ் சுட்டிகள் மூன்று வகை செயல்பாட்டின் அடிப்படையில் வடிவமைக்கப்பட்டு வருகின்றன என்பது பலர் அறியாத விஷயமாகும். அதனை இங்கு காணலாம்.
மவுஸ் பயன்படுத்துவதில் பல ஆண்டுகளாக, சிரமம் தரும் ஒரு செயல்பாடு இருந்து வந்தது. அதனை, சி.பி.யு. டவர் பாக்ஸின் பின்புறம் இணைத்துச் செயல்படுத்த வேண்டியதிருந்தது. அதற்கான போர்ட், குறிக்கப்பட்டு கிடைத்தது. அதன் பின், யு.எஸ்.பி. போர்ட் பழக்கத்தில் வந்த பின்னர், மவுஸ் வயர் முனையில், யு.எஸ்.பி. போர்ட்டில் இணைத்துப் பயன்படுத்தும் வகையில் இணைப்பி தரப்பட்டது. இதற்கெனவே, சி.பி.யு. டவர் பாக்ஸின் முன்புறமாக யு.எஸ்.பி. போர்ட்கள் சில தரப்பட்டன.
அடுத்த நிலையாக, வயர் இணைப்பு எதுவுமின்றி செயல்படும் மவுஸ் புழக்கத்திற்கு வந்தது. இத்தகைய மவுஸ் சுட்டிகள், ஒரே மாதிரியாக, ஒரே செயல்பாட்டினைக் கொண்டதாக இருந்தாலும், அவற்றில் மூன்று வகை உண்டு. அவை ஒவ்வொன்றும் ஒரு வகையில், நம் கம்ப்யூட்டருடன் தகவல் பரிமாறி உறவாடுகின்றன. அவற்றை இங்கு காணலாம்.

புளுடூத் மவுஸ்

முதலாவதாக, பெரும்பாலான கம்ப்யூட்டர்களுடன் இணைத்துப் பயன்படுத்தப்படும் புளுடூத் வழி செயல்படும் மவுஸ். இது புளுடூத் தொழில் நுட்பம் செயல்படும் கம்ப்யூட்டர்களுடன் மட்டுமே இணைந்து செயல்படும். இப்போது வருகின்ற லேப்டாப் கம்ப்யூட்டர்கள் பெரும்பாலும் இந்த தொழில் நுட்பம் இயங்கும் வகையிலேயே வடிவமைக்கப்படுகின்றன. கம்ப்யூட்டரில், புளுடூத் தொழில் நுட்பத்தினை இயக்க வேண்டும். பின்னர், மவுஸின் புளுடூத் இயக்கமும் இயக்கப்பட்டு, இரண்டும் இணையாக்கப்பட (“pairing”) வேண்டும். கம்ப்யூட்டரில், அருகில் உள்ள புளுடூத் இயக்க சாதனங்களைத் தேடி அறிந்து கொள் என்று கட்டளை கொடுத்தால், அது தானாகவே, அந்த இயக்கம் கொண்டுள்ள மவுஸை அறிந்து இணையாக்கிக் கொள்ளும். புளுடூத் மவுஸின் செயல்பாட்டிற்கான மின் சக்தி, பேட்டரிகள் மூலம் தரப்படுகிறது. சில மவுஸ்களில், ரீ சார்ஜ் செய்து கொள்ளும் வகையிலான பேட்டரிகள் இணைக்கப்பட்டு கிடைக்கின்றன.

வயர்லெஸ் மவுஸ்

வயர்லெஸ் மவுஸ், பெர்சனல் கம்ப்யூட்டரில் இணைக்கப்பட்டுள்ள ரிசீவருக்கு சிக்னல்களை அனுப்பி செயல்படும். இந்த ரிசீவரை, கம்ப்யூட்டரின் யு.எஸ்.பி. போர்ட்டில் இணைத்துச் செயல்படுத்தலாம். ரிசீவரை கம்ப்யூட்டருடன் இணைத்தால் தான், அது மவுஸ் தரும் சிக்னல்களை கம்ப்யூட்டருக்கு அனுப்ப முடியும். பெரும்பாலான மவுஸ்களில், இந்த ரிசீவர்கள், மவுஸின் பின்புறம் செருகப்பட்டு இணைக்கப்படும் வகையில் கிடைக்கும். மற்றவற்றில் தனியாகக் கிடைக்கும். மைக்ரோசாப்ட் நிறுவனம், தன் வயர்லெஸ் கீ போர்ட் மற்றும் மவுஸ் ஆகியவற்றுக்கு ஒரே ரிசீவரை வடிவமைத்து வழங்குகிறது. இத்தகைய மவுஸ்களும் பேட்டரி சக்தியால் இயங்குகின்றன. சிலவற்றில் ரீ சார்ஜ் செய்திடக் கூடிய பேட்டரிகள் இணைந்து கிடைக்கின்றன. மவுஸின் கர்சர், கம்ப்யூட்டரின் திரையில் உங்கள் கட்டளைப்படி இல்லாமல், தன் இஷ்டத்திற்குச் செல்கிறது, தவ்வுகிறது என்றால், மவுஸின் பேட்டரி தன் திறனை பெரும்பாலும் இழந்து விட்டது என்று பொருள். உடனே, பேட்டரிகளை ரீ சார்ஜ் செய்திட வேண்டும்; அல்லது, பேட்டரிகளை மாற்ற வேண்டும்.

வை பி மவுஸ்

இது அவ்வளவாகப் பயன்படுத்தப்படுவது இல்லை. இந்த மவுஸ் நேரடியாக உங்கள் ரெளட்டருடன் இணைக்கப்படுகிறது. இதற்கு தனியே அடாப்டர் தேவை இல்லை. ஏனென்றால், உங்கள் பெர்சனல் கம்ப்யூட்டர், உங்கள் வீட்டில் கிடைக்கும் வை பி சிக்னல் வழியாக தகவல்களைப் பரிமாறிக் கொள்கிறது. இதனைப் பயன்படுத்த, உங்கள் நெட்வொர்க்கில், உங்களுடைய வை பி பாஸ்வேர்ட் மூலம் லாக் இன் செய்திட வேண்டும். மேலே சொல்லப்பட்ட இரு மவுஸ் சுட்டிகளையும், வயர்லெஸ் சிக்னல் இருந்தாலும், இல்லாவிட்டாலும் பயன்படுத்தலாம். ஆனால், வை பி மவுஸ் பயன்படுத்த வயர்லெஸ் சிக்னல் கட்டாயமாகத் தேவைப்படும். அவை உங்கள் பெர்சனல் கம்ப்யூட்டருடன் நேரடியாகத் தொடர்பு கொள்கின்றன. எனவே தான், பலரும் இதனைப் பயன்படுத்த விரும்புவதில்லை. இந்த வகை மவுஸ் சுட்டியும் பேட்டரிகள் துணையுடன் இயங்குகின்றன.

Hardware: (ஹார்ட் வேர்) கம்ப்யூட்டர் சார்ந்த அனைத்து சாதனங்களும் இந்த சொல்லால் குறிப்பிடப்படுகின்றன. மதர் போர்ட், சிப், மவுஸ், கீ போர்டு, பிரிண்டர், மோடம், ரௌட்டர் என அனைத்தும் இந்த சொல்லில் அடங்கும்.

Network: நெட்வொர்க் (இன்டர்நெட் உட்பட)கில் இணைக்கப்பட்டிருக்கும் ஒரு கம்ப்யூட்டரில் உள்ளே அனுமதியின்றி வரும் அடுத்தவரின் முயற்சியைத் தடுக்கும் ஒரு சாப்ட்வேர் அல்லது சிறிய ஹார்ட்வேர் சாதனம்.

Internet Telephony: வழக்கமான டெலிபோன் இணைப்பில்லாமல் இன்டர்நெட் மூலம் தொலைபேசி தொடர்பு கொண்டு பேசும் முறைக்கு இந்த பெயர்.

Domain Name: இன்டர்நெட்டில் உள்ள தகவல் தளங்களை இச் சொல்லால் குறிப்பிடுகின்றனர். அந்த தளத்தின் பெயரை இது குறிக்கிறது.

Download: கம்ப்யூட்டர் ஒன்றிலிருந்து நேரடியாக இன்னொரு கம்ப்யூட்டருக்குப் பைலை மாற்றுவதனை டவுண்லோட் எனக் குறிப்பிடுகிறோம். இருப்பினும் இன்டர்நெட் நெட்வொர்க்கில் இணைந்துள்ள கம்ப்யூட்டரிலிருந்து ஒரு பைல் இறக்கிப் பதியப்படுவதனையே இது பெரும்பாலும் குறிக்கிறது.

Bandwidth: இணைக்கப்பட்ட இரு வேறு சாதனங்கள் இடையே நடைபெறும் டேட்டா பரிமாற்றத்தில் அதிக பட்ச டேட்டா பரிமாற்ற வேகத்தின் அளவை இது குறிக்கிறது. இது டேட்டா பயணிக்கும் வேகம் அல்ல.

Client: கம்ப்யூட்டர் நெட்வொர்க்கில் இணைக்கப்பட்டு சர்வராக இயங்காமல் பயன்படுத்தப்படும் எந்த கம்ப்யூட்டரும் கிளையண்ட் என அழைக்கப்படும்.

Doc: இது ஒரு பைலின் பெயரில் உள்ள துணைப் பெயர். இந்த பெயருடன் உள்ள பைல் மைக்ரோசாப்ட் வேர்ட் தொகுப்பில் உருவான பைல் என்பதனை இது குறிக்கிறது

பிரவுசர் போட்டியில் பின் தங்கும் மைக்ரோசாப்ட்

விண்டோஸ் 10 ஆப்பரேட்டிங் சிஸ்டத்துடன், புதிய வகையில், புதிய இஞ்சின் அடிப்படையில் செயல்பாட்டைக் கொண்ட பிரவுசர் ஒன்றை, Edge என்ற பெயரில் மைக்ரோசாப்ட் வழங்கியது. இதற்கென தனி சிரமம் எடுத்து, அனைத்து வகையிலும் மற்ற பிரவுசர்களைக் காட்டிலும், தொழில் நுட்ப ரீதியிலும், பயனாளர் விரும்பும் வகையிலும் வடிவமைத்துத் தந்தது. ஆனால், இந்த முயற்சிகள் அனைத்தும் இருந்தும், மைக்ரோசாப்ட் நிறுவனம், பிரவுசர் போட்டியில் தோல்வியையே சந்தித்துள்ளது. இந்த ஆண்டில், இதுவரை, 33.1 கோடி பயனாளர்கள், எட்ஜ் பிரவுசர் பயன்படுத்துவதிலிருந்து விலகி, கூகுள் குரோம், மற்றும் மொஸில்லாவின் பயர்பாக்ஸ் பிரவுசரைப் பயன்படுத்தத் தொடங்கியுள்ளனர்.
எட்ஜ் மற்றும் இன்டர்நெட் எக்ஸ்புளோரர் ஆகிய இரண்டு பிரவுசர்களையும் பயன்படுத்தியவர்களில், 33.1 கோடி பேர் மற்ற பிரவுசர்களுக்கு மாறியுள்ளனர். சென்ற அக்டோபர் மாதத்தில் மட்டும், 4 கோடி பேர் இவ்வாறு பிரவுசர்களை மாற்றியுள்ளனர். Net Applications என்னும் ஆய்வு அமைப்பு இந்த தகவல்களைத் தந்துள்ளது. இந்த ஆண்டு முடிவதற்குள், மாறிய பயனாளர்களின் எண்ணிக்கை 33.1 கோடியைத் தாண்டும் என எதிர்பார்க்கப்படுகிறது. இந்த மாறுதல், திடீரென ஏற்படாமல், ஆண்டு முழுவதும் ஒரே வகையில் சீராக ஏற்பட்டுள்ளது. மே மாதம் வரை சீராக இருந்த இந்த மாறுதல், அதற்குப் பின்னர் சற்று அதிகமாகவே இருந்ததாக, பிரவுசர் பயன்பாட்டைக் கவனித்து வரும் அமைப்புகள் அறிவித்துள்ளன.
எட்ஜ் பிரவுசரை விட்டு விலகிச் செல்பவர்களில் பெரும்பாலானவர்கள், பயர்பாக்ஸ் பிரவுசரையே தேர்ந்தெடுக்கின்றனர். இரண்டு மாதங்களுக்கு முன், பயர்பாக்ஸ் பிரவுசரின் பயனாளர்கள் பலர் அதனை விட்டு வந்த வண்ணம் இருந்தனர். தற்போது, எட்ஜ் பிரவுசர் பிடிக்காதவர்கள், அதன் பக்கம் செல்லத் தொடங்கியுள்ளனர். இன்டர்நெட் எக்ஸ்புளோரர் பிரவுசர் கொஞ்சம் கொஞ்சமாக அதன் பயனாளர்களை முழுமையாக இழக்கும். ஏனென்றால், மைக்ரோசாப்ட் நிறுவனம் அதற்குத் தரும் உதவியை நிறுத்திவிட்டது.
எட்ஜ் பிரவுசர் விண்டோஸ் 10 சிஸ்டம் பயன்பாட்டில் மட்டுமே கிடைக்கிறது. எட்ஜ் பிரவுசருக்கு பயனாளர்கள் குறைவாக இருப்பது இதுவும் ஒரு காரணமாக இருக்கலாம். பெர்சனல் கம்ப்யூட்டர் பயன்படுத்துபவர்களில், 22% பேர் மட்டுமே விண்டோஸ் 10 பயன்படுத்துகின்றனர் சென்ற அக்டோபரில் எடுத்த கணக்கின்படி, விண்டோஸ் 7 பயனாளர்கள் 48%. விண்டோஸ் 8 சிஸ்டத்தினை 2.17% பேரும், விண்டோஸ் எக்ஸ்பியை 8.27% பேரும் பயன்படுத்தி வருகின்றனர்.
இதற்கு மாறாக, குரோம் மற்றும் பயர்பாக்ஸ் பிரவுசர்களை, அனைத்து விண்டோஸ் சிஸ்டங்களிலும் பயன்படுத்தலாம். ஏன், மேக் ஓ.எஸ். ஆப்பரேட்டிங் சிஸ்டத்திலும் பயன்படுத்தலாம்.
எனவே தான் விண்டோஸ் 10 சிஸ்டம் பயன்படுத்துபவர்களை, எட்ஜ் பிரவுசர் பயன்படுத்தும்படி, மைக்ரோசாப்ட் தொடர்ந்து வலியுறுத்தி வருகிறது. ஆனால், இது நேர்மாறாகச் செயல்பட்டுள்ளது. இந்த தொடர் வலியுறுத்தல், பயனாளர்களிடம் ஒருவித திருப்தியின்மையை உருவாக்குகிறது. இதனால், எட்ஜ் பிரவுசருக்குப் பலர் முழுக்கு போடுகின்றனர். இந்த வழி செல்லாமல், பயனாளர்களுக்கு மேலும் பல கூடுதல் வசதிகளை எளிமையாகத் தந்தால் தான், பயனாளர்கள் எட்ஜ் பிரவுசருக்கு மாறி, அதிலேயே தொடர்ந்து பயணிப்பார்கள்.

Do U Know:

Registry: (ரெஜிஸ்ட்ரி) விண்டோஸ் இயக்கத்துடன் இணைந்த ஒரு டேட்டா பேஸ் (தகவல் தளம்) இதில் அனைத்து ஹார்ட்வேர் மற்றும் சாப்ட்வேர் குறித்த தகவல்கள் எழுதப்பட்டு பதியப்பட்டிருக்கும். இவற்றுடன் பயன்படுத்துபவருக்கான விருப்பங்கள், செயல்பாடுகளுக்கான நிலைகள் உருவாக்கப்பட்டு பதியப்படும். விண்டோஸ் இயக்கம் இந்த தகவல் தளத்திலிருந்து தகவல்களைப் பெற்று செயல்படுவதால் சற்று கவனமாகவே இதனைக் கையாள்வது நல்லது.

Control Panel: (கண்ட்ரோல் பேனல்) விண்டோஸ் இயக்கத்தின் ஸ்டார்ட் மெனுவில் தரப்படும் ஒரு டூல் என இதனைச் சொல்லலாம். இதன் மூலம் விண்டோஸ் இயக்கத்தின் அடிப்படைச் செயல்பாடுகளை செம்மைப் படுத்தலாம். அத்துடன் பெர்சனல் கம்ப்யூட்டர் மற்றும் இணைந்த சாதனங்கள் செயல்படும் தன்மையையும் சீரமைக்கலாம்

பத்து கோடி பயனாளர்களின் யு.சி. பிரவுசர் :

அலிபாபா மொபைல் பிசினஸ் குரூப் என்னும் நிறுவனம் வழங்கும் யு.சி. பிரவுசரை (UC Browser), இந்தியாவில் மாதந்தோறும் 10 கோடிக்கும் மேலானவர்கள் பயன்படுத்தி வருவதாக, அந்நிறுவனம் அறிவித்துள்ளது. Stat Counter என்னும் ஆய்வு அமைப்பு தெரிவித்துள்ள தகவல்களின்படி, இந்தியாவில் 57% போன்களில் இந்த பிரவுசர் பயன்படுத்தப்பட்டு வருகிறது. மாதந்தோறும் 25% இப்பயன்பாடு அதிகரித்து வருகிறது. சென்ற ஜூன் மாதம் இதனைப் பயன்படுத்துவோர் எண்ணிக்கை 8 கோடியாக இருந்து, தற்போது 10 கோடியை எட்டியுள்ளது. இந்தியாவில் மிக அதிகமாகப் பயன்படுத்தப்படும் மொபைல் பிரவுசர் இதுதான். ஆறு ஆண்டுகளுக்கு முன்புதான் இந்த பிரவுசர் இந்தியாவில் அறிமுகமானது. இந்த அளவிற்கு அதிக எண்ணிக்கையில் வாடிக்கையாளர்கள் இருப்பதால், இந்தியாவில், தாங்கள் கூகுள் மற்றும் பேஸ்புக் போல இணைய உலகில் வலிமையுடன் இருப்பதாக, யு.சி. பிரவுசர் நிறுவன அதிகாரி தெரிவித்துள்ளார். பயனாளர் எண்ணிக்கையை அதிகப்படுத்தும் நோக்கம் இருந்தாலும், நாங்கள் வழங்கும் தகவல்களை மக்களுக்கு ஆர்வமூட்டும் வகையில் செம்மைப் படுத்துவதே தங்களின் முதன்மைப் பணி என்றும் கூறியுள்ளார்.
இந்தியாவில், இணையம் பயன்படுத்தும் 46.2 கோடி பயனாளர்களில், 37.1 கோடி பேர் மொபைல் வழி இணையம் பயன்படுத்துகின்றனர். இதனை இந்தியாவில் இயங்கும் Internet and Mobile Association (IAMA) என்ற அமைப்பு அறிவித்துள்ளது. இதனால், யு. சி. பிரவுசர், வெறும் பிரவுசராக மட்டும் வடிவமைக்கப்படாமல், மக்கள் விரும்பும் தகவல்களைத் தரும் தளமாகவும் இயங்கும் வகையிலும் அமைக்கப்பட்டுள்ளது. இதற்கென பல பொழுது போக்கு நிகழ்ச்சிகள் தரும் நிறுவனங்களுடன், யு.சி. பிரவுசர் நிறுவனம் ஒப்பந்தம் மேற்கொண்டுள்ளது. அவற்றில் முக்கியமானவை Colors TV மற்றும் Fox Star Studios'. இதன் பல பிரிவுகளில் இசை நிகழ்ச்சிகள் வழங்கப்படுகின்றன.
We Media என்ற நிகழ்வில், பயனாளர்கள் தங்கள் படைப்புகளை அளிக்கலாம். UC News பகுதியில் எண்ணங்களை மற்றவர்களுடன் பகிர்ந்து கொள்ளலாம். இதில் பல லட்சக்கணக்கான பயனாளர்கள் பங்கு கொண்டு வருகின்றனர். பல சமுதாய பிரபலங்கள் இதில் பங்கேற்று வருகின்றனர்.
UC Cricket என்னும் பிரிவில் கிரிக்கெட் குறித்த தகவல்கள் தொடர்ந்து மேம்படுத்தப்பட்டு தரப்படுகின்றன. அடுத்து வர இருக்கும் போட்டிகள் குறித்த தகவல்கள் அளிக்கப்படுகின்றன. நினைவூட்டப்படுகின்றன.
யு.சி. பிரவுசர் தன் இயக்க வேகத்தினைத் தொடர்ந்து அதிகரித்துக் கொண்டு, பயனாளர்கள் விரும்பும் பலமுனைத் தகவல்களைத் தருவதால், அதன் பயனாளர்களின் எண்ணிக்கையும் தொடர்ந்து அதிகரித்து வருகிறது.

யுனிவர்சல் சீரியல் பஸ்

  கம்ப்யூட்டருடன் இணைக்கப்படும் பிற சாதனங்களை எளிதாக இணைத்துப் பயன்படுத்த ஒரு வழி. ஸ்கேனர், மவுஸ், பிளாஷ் டிரைவ், பிரிண்டர் எனத் தற்போது அனைத்து சாதனங்களும் இதன் வழியே தான் கம்ப்யூட்டருடன் இணைக்கப்படுகின்றன. கம்ப்யூட்டர் இயங்கிக் கொண்டிருக்கும்போதே இதனைப் பயன்படுத்தி சாதனங்களை இணைக்கலாம், நீக்கலாம்.

Control Panel: (கண்ட்ரோல் பேனல்) விண்டோஸ் இயக்கத்தின் ஸ்டார்ட் மெனுவில் தரப்படும் ஒரு டூல் என இதனைச் சொல்லலாம். இதன் மூலம் விண்டோஸ் இயக்கத்தின் அடிப்படைச் செயல்பாடுகளை செம்மைப் படுத்தலாம். அத்துடன் பெர்சனல் கம்ப்யூட்டர் மற்றும் இணைந்த சாதனங்கள் செயல்படும் தன்மையையும் சீரமைக்கலாம்.

Taskbar: (டாஸ்க் பார்) விண்டோஸ் இயக்கத்தில் மானிட்டர் திரையில் கீழாக இயங்கும் நீள் கட்டம். இதில் ஸ்டார்ட் மெனு, விரைவாக அப்ளிகேஷன் புரோகிராம்களை இயக்க ஐகான்கள் அடங்கிய தொகுப்பு, இயங்கிக் கொண்டிருக்கும் அப்ளிகேஷன் புரோகிராம்களின் பைல்களுக்கான கட்டங்கள் மற்றும் கடிகாரம், பின்னணியில் இயங்கிக் கொண்டிருக்கும் புரோகிராம்களின் ஐகான்கள் ஆகியவை இருக்கும். இவற்றைத் தேவைப்படும்போது கிளிக் செய்து பெறலாம்.

Eset Smart Security 9.0 Key

                                                             valid: 02.09.2017

AH57-X76A-EX77-9WUR-FXHA

CDVE-XRNT-GPNC-KSM4-D6P8

B973-XX34-4J8V-ES49-DAK7

BTFE-XR9S-MFDG-9AVR-4NM7

CDVE-XRNT-GPNC-KSM4-D6P8

ரெசல்யூசன்: (Resolution) மானிட்டர் திரை அல்லது அச்சில் படம் ஒன்றில் எந்த அளவிற்கு டீடெய்ல்ஸ் உள்ளன என்பதைக் குறிக்க இந்த அளவு அலகு சொல்லைப் பயன்படுத்துகிறோம். ஒரு மானிட்டரில் இது அதன் பிக்ஸெல்களைக் குறிக்கிறது. எடுத்துக் காட்டாக 17 அங்குல மானிட்டரில் இது 1024 x 768 பிக்ஸெல் ஆக இருக்கும். அச்சுப் படிவம் மற்றும் ஸ்கேனரில் ரெசல்யூசன் என்பது ஒரு சதுர அங்குலத்தில் எத்தனை புள்ளிகளில் (Dots per Inch - DPI) டீடெய்ல்ஸ் தரப்பட்டுள்ளது என்பதை இது குறிக்கிறது. அல்லது ஒரு சதுர அங்குல இடத்தில் எத்தனை துளி இங்க் அல்லது டோனர் தெளிக்கப்படுகிறது என்பதையும் ரெசல்யூசன் என்பதன் மூலம் சொல்லப்படுகிறது.

மொபைல் போன் சிக்னல்: மொபைல் போனில் சிக்னல்கள் எந்த அளவில் பெறப்படுகின்றன என்பதைக் காட்டும் இன்டிகேட்டர் அனைத்து போன்களிலும் இருக்கும். இது குறைவாக இருக்கும்போது ரேடியேஷன் என்னும் கதிர்வீச்சு அதிகமாக இருக்கும். சரியாக இருக்கும் போது மிதமாக இருக்கும். மேலும் குறைவாக இருக்கையில் மின் சக்தியும் அதிகம் செலவழிக்கப்படும். எனவே சிக்னல் ரிசப்ஷன் குறைவாக இருக்கும் இடத்தில் இருந்து பேசுவதனைத் தடுக்கவும்

இன்டர்நெட் அமைப்பில் மாற்றம் :

இணையதளத்தின் வழியே நாம் ஒரு கணினியில் இருந்து மற்றொரு கணினிக்கு தகவல்களை பரிமாற முடியும். நமது தகவல்கள் முதலில் சிறு சிறு பாக்கெட்டுகளாக பிரிக்கப்படும். இந்த பாக்கெட்டுகள் மற்றொரு கணினியை அடைய வேண்டுமானால் அதற்கு நெட்வொர்க் அமைப்பும், அடுத்தடுத்த நெட்வொர்க் தளத்தினை அடைய ஒரு இன்டர்நெட் புரோடோகால் முகவரியும் தேவைப்படுகிறது. இணையதளத்தில் ஒவ்வொரு பக்கத்திற்கும் ஒரு முகவரி மாறுகிறது. இதனை எப்படி அமைத்திட வேண்டும் என்பதனை உலகளவில் பிரதிநிதிகளைக் கொண்டு இயங்கும் இன்டர்நெட் அமைப்பு முடிவெடுக்கிறது.

இதனை இன்டர்நெட் சேவையினை வழங்கும் நிறுவனங்கள் பின்பற்றுகின்றன. இது போன்ற ஒரு பொது கட்டமைப்பில் இருந்தால் தான் அனைத்து இன்டர்நெட் செயல்பாடுகளும் அனைவராலும் இயக்கப்பட முடியும். இதுவரை ஐபிவி4 என்ற கட்டமைப்பில் இன்டர்நெட் முகவரிகள் அமைக்கப்பட்டு பயன்படுத்தப்பட்டு வருகின்றன. இந்த கட்டமைப்பில் மேற்கொண்டு பெயர்களை அமைக்க முடியாத சூழ்நிலை ஏற்பட்டு விட்டது. எவ்வளவு வகைகளில் அமைக்க முடியுமோ, ஏறத்தாழ அந்த எண்ணிக்கையில் முகவரிகள் அமைக்கப்பட்டுவிடக் கூடிய சூழ்நிலை இன்னும் சில மாதங்களில் உருவாகிவிடும். எனவே புதிய கட்டமைப்பு ஐபிவி6 என்ற பெயரில் இன்டர்நெட் சேவை அமைக்கப்பட்டு இதுவரை சோதனை செய்து பார்க்கப்பட்டது.

இது அனைத்து வழிகளிலும் சரியானது என்று உறுதி செய்யப்பட்டதால், இனி அந்த அமைப்பே பின்பற்றப்படும். இதற்கான அறிமுக நாள் வரும் ஜூன் மாதம் 16ம் தேதி என அறிவிக்கப்பட்டுள்ளது. இன்டர்நெட் வரலாற்றில் இந்த இன்டர்நெட் பெயர் அமைப்பு அறிமுகம் செய்யப்படும் நாள் மிக முக்கியமான நாளாக வரும் காலத்தில் எண்ணப்படும். ஐபிவி4 அமைப்பு முகவரியில்(32 பிட் கட்டமைப்பு) ஏறத்தாழ 400 கோடி இன்டர்நெட் முகவரிகள் அமைக்கப்படும். 2010 ஆம் ஆண்டு ஜனவரி மாதத்திலேயே இதில் 90% பயன்படுத்தப்பட்டு விட்ட நிலை உருவானது. அதே ஆண்டு அக்டோபரில் மிச்சமிருக்கும் நிலை 5% ஆக உருவானது.

நாளுக்கு நாள் இன்டர்நெட் தளங்களும் அவற்றிற்கான பெயர்களும் வேகமாக உயர்ந்து வரும் நிலையில், ஐபிவி4 அமைப்பில் மேலும் பெயர்களை உருவாக்க இயலாத நிலை எட்டப்பட்டுவிடும் என்ற அபாயம் உணரப்பட்டது. இதனால் ஐபிவி6 (128 பிட்) அமைப்பு உருவாக்கப்பட்டது. இது முந்தைய அமைப்பினைக் காட்டிலும் எளிதான முறையில் இயங்கும் வகையில் அமைக்கப்பட்டுள்ளது. இனி இரண்டு அமைப்புகளிலும் உருவாக்கப்பட்ட முகவரிகளை இன்டர்நெட்டில் இயங்கும் நெட்வொர்க் நிறுவனங்கள் கையாளும் என தெரிகிறது

ஆப்பிள் செய்யாததை சாம்சங் செய்யும்.!

கேலக்ஸி எஸ்7 மற்றும் கேலக்ஸி எஸ்7 எட்ஜ் கருவிகளை சாம்சங் நிறுவனம் அதிகாரப்பூர்வமாக அறிவித்து விட்டது. பார்சிலோனாவில் நடைபெற்ற மொபைல் வேர்ல்டு காங்கிரஸ் விழாவில் அறிமுகம் செய்யப்பட்ட இந்த கருவியில் சமீபத்தில் வெளியிடப்பட்ட ஐபோனால் கூட செய்யமுடியாவைகள் சிறப்பம்சமாக வழங்கப்பட்டுள்ளது.
அவ்வாறு ஐபோன் 6எஸ் கருவியால் செய்ய முடியாத 10 அம்சங்களை கேலக்ஸி எஸ்7 சீரிஸ் போன்கள் செய்கின்றன, அவைகளை விரிவாக  பாருங்கள்..!
வாட்டர் ரெசிஸ்டன்ட் :
                    கேலக்ஸி எஸ்7 கருவி IP68 தர சான்றிதழ் பெற்றிருப்பதால் தூசி மற்றும் தண்ணீர் பட்டால் எதுவும் ஆகாது, அதுவும் இந்த கருவிகள் ஒரு மீட்டர் ஆழத்தில் 30 நிமிடங்கள் வரை இருந்தாலும் எவ்வித பாதிப்பும் ஏற்படாது என அறிவிக்கப்பட்டுள்ளது. ஐபோனில் இந்த அம்சம் வழங்கப்படவில்லை என்பதும் குறிப்பிடத்தக்கது.

சார்ஜிங் :

                   மைக்ரோயுஎஸ்பி மூலம் வேகமாக சார்ஜ் செய்யும் திறன் வழங்கப்பட்டுள்ளதால் கேலக்ஸி எஸ்7 கருவி குறைந்த நேரத்தில் சார்ஜ் செய்து விட முடியும். அதாவது 30 நிமிடம் சார்ஜ் செய்தால் அதிகபட்சம் 60% வரை பேட்டரி சார்ஜ் ஆகிவிடும். ஐபோன் சார்ஜ் ஆக மூன்று மணி நேரம் வரை ஆகும்.

வயர்லெஸ் சார்ஜிங் :
                 மற்ற சார்ஜர்களை விட சாம்சங் வயர்லெஸ் சார்ஜர் அம்சம் சிறப்பாக வேலை செய்யும் என அந்நிறுவனம் தெரிவித்துள்ளது. வயர் மூலம் சார்ஜ் செய்யும் போது க்விக் சார்ஜிங் வேகமாக இருந்தாலும் வயர்லெஸ் அம்சம் பயன்படுத்த சவுகரியமாக இருப்பதோடு நல்ல அனுபவத்தையும் வழங்கும் என்பதும் குறிப்பிடத்தக்கது.

 ஆட்டோஃபோகஸ் :

                     கேலக்ஸி எஸ்7 கேமரா ஐபோன் 6எஸ் கேமராவை விட அதிவேகமாக ஃபோகஸ் செய்யும் திறன் கொண்டிருக்கின்றது என அந்நிறுவனம் தெரிவித்துள்ளது.

புகைப்படம் :

                        ஐபோன் 6எஸ் கேமராவுடன் ஒப்பிடும் போது கேலக்ஸி எஸ்7 கேமரா கொண்டு இரவு நேரம் மற்றும் குறைந்த வெளிச்சத்திலும் பிரகாசமான புகைப்படங்களை எடுக்க முடியும்.

 மைக்ரோ எஸ்டி :

                       கேலக்ஸி எஸ்7 கருவிகளில் மீண்டும் மைக்ரோ எஸ்டி ஸ்லாட் வழங்கப்பட்டுள்ளது. இம்முறை சுமார் 200 ஜிபி வரை மெமரியை நீட்டிக்கும் வசதியும் வழங்கப்பட்டுள்ளது குறிப்பிடத்தக்கது.

பேட்டரி :

                         கேலக்ஸி எஸ்7 கருவியில் 3000 எம்ஏஎச் பேட்டரியும் எஸ்7 எட்ஜ் கருவியில் 3600 எம்ஏஎச் பேட்டரியும் வழங்கப்பட்டுள்ளது. ஆனால் ஐபோன் 6எஸ் கருவியில் 1715 எம்ஏஎச் பேட்டரி மற்றும் 6எஸ் ப்ளஸ் கருவியில் 2750 எம்ஏஎச் பேட்டரி மட்டுமே வழங்கப்பட்டுள்ளது.

 சாம்சங் பே :

                           சாம்சங் பே அம்சம் அனைத்து க்ரெடிட் கார்டு ரீடர்களிலும் வேலை செய்யும் என தெரிவிக்கப்பட்டுள்ளது. ஆனால் ஐபோன்களில் வழங்கப்பட்டிருக்கும் ஆப்பிள் பே புதிய க்ரெடிட் கார்டு டெர்மினல்களில் மட்டுமே வேலை செய்யும்.

 ஆல்வேஸ் ஆன் :

                        கேலக்ஸி எஸ்7 போன்களில் தேதி, நேரம் மற்றும் நோட்டிபிகேஷன்களை பார்க்க வசதியாக எப்பவும் திரையை ஆன் மோடில் வைக்கும் வசதி வழங்கப்பட்டுள்ளது. \

விட்ஜெட்ஸ் :
                         சாம்சங் கேலக்ஸி எஸ்7 எட்ஜ் திரையில் விட்ஜெட்களை சேர்த்து கொள்ள முடியும். இதனால் சிறிய வளைந்த திரையில் அடிக்கடி பயன்படுத்தும் அம்சங்களை ஷார்ட்கட் போல வைத்து கொள்ள முடியும்.

விண்டோஸ் தரும் அறியாத செயலிகள்

விண்டோஸ் ஆப்பரேட்டிங் சிஸ்டமே நம் அன்றாட வேலைப்பாட்டின் பின்னணியில் இயங்கி வருகிறது. இதில் உள்ள அனைத்து வசதிகளையும் நாம் அறிந்திருக்கிறோமா என்றால், 'இல்லை' என்றுதான் பதிலளிக்க வேண்டியதிருக்கும். நாம் பயன்படுத்தும் செயல் உதவிகள் எல்லாம், விண்டோஸ் இயக்கத்தில் செயல்படும், எம்.எஸ்.ஆபீஸ் போன்ற, பிரவுசர் மற்றும் மின் அஞ்சல் செயலிகள் போன்றவை தருபவை தான். விண்டோஸ் இயக்க முறைமையும் தன்னிடத்தே பல உதவி தரும் செயலிகளைக் கொண்டுள்ளது. அவற்றில் சிலவற்றை இங்கு காணலாம். இதில் பல செயலிகள், பல்லாண்டுகளாக, விண்டோஸ் இயக்கத்தின் முன்னோடிகளிலிருந்து இன்று வரை இணைந்தே தரப்பட்டு வருகின்றன. சில, விண்டோஸ் 10 இயக்கத்தில், புதியதாகத் தரப்பட்டவையாக உள்ளன. சில, நாம் விண்டோஸ் ஸ்டோரிலிருந்து, விண்டோஸ் 10 இயக்கத்துடன் இணைந்து செயல்படுத்தப்படக் கூடியவையாக உள்ளன. இதோ அவை:

பலவகைப் பயன் தரும் கால்குலேட்டர்: விண்டோஸ் இயக்கம் தொடங்கிய நாள் தொட்டு, அதனுடன் தரப்படும் ஒரு செயலி, கால்குலேட்டர் ஆகும். ஆனாலும், நாம் நம் மொபைல் போன் அல்லது கூகுள் தளம் தரும் கால்குலேட்டர் வசதிகளையே பயன்படுத்துகிறோம். ஆனால், அவற்றைக் காட்டிலும் விண்டோஸ் சிஸ்டத்துடன் இணைந்து வரும் கால்குலேட்டர், பலவகையான கால்குலேட்டர்களைத் தன்னிடத்தே கொண்டது என அறியாமல் இருக்கிறோம். வழக்கமான Standard கால்குலேட்டர் மட்டுமின்றி, இதில் scientific, programmer, மற்றும் statistics கால்குலேட்டர்களும் இதில் உள்ளன. இந்த கால்குலேட்டர் செயலியை இயக்கி, அதன் மெனு கட்டத்தில் View என்பதனை அழுத்தினால், அதன் கீழ் விரியும் மெனுவில், எத்தனை வகை கால்குலேட்டர்கள் அதில் அடங்கியுள்ளன என்று பார்க்கலாம். ஸ்டாண்டர், சயிண்டிபிக், புரோகிராமர், ஸ்டேடிஸ்டிக்ஸ், டிஜிட்டல் குரூப்பிங், பேசிக், யூனிட் கன்வர்ஷன், டேட் கால்குலேஷன் ஆகியவற்றுடன், ஒர்க் ஷீட்ஸ் என்ற தனி மெனுவும் கிடைக்கும். இதில் நாம் கடனுக்கு பொருள் வாங்கினால், வட்டி கணக்கிட மற்றும் கார் ஒரு லிட்டர் எரிபொருளுக்கு எத்தனை கிலோ மீட்டர் தூரம் ஓடுகிறது என்பதைக் கணக்கிட கணிப்பான்கள் இருப்பதனைக் காணலாம். யூனிட் கன்வர்ஷன் பயன்படுத்தி, அங்குலம்<> சென்டி மீட்டர் போன்ற அலகுகள் மாற்றக் கணக்கீட்டினை மேற்கொள்ளலாம். Date Caculation என்பதன் மூலம் நமக்குத் திருமணமாகி எத்தனை நாட்கள் ஆகியுள்ளன போன்ற தகவல்களைக் கணித்திடலாம். இது போல பல கணிப்பு வகைகளைக் கொண்ட கால்குலேட்டராக இது வடிவமைக்கப்பட்டுள்ளது. எனவே, கம்ப்யூட்டரில் நாம் பணியாற்றுகையில், கணக்கிட தனியே ஒரு கால்குலேட்டரைக் கொண்டு செயல்பட வேண்டாம். இதனையே பயன்படுத்தலாம்.
எந்த இடத்தில் இருந்தும் ஹெல்ப் பெறலாம்
இது விண்டோஸ் பயன்படுத்தும் பலர் அறியாமல் உள்ளனர். உங்கள் கம்ப்யூட்டரில் ஏதேனும் பிரச்னை ஏற்பட்டால், நீங்கள் நம்பிக்கை கொண்டுள்ள நண்பர் ஒருவரின் உதவியை நாடலாம். அவர் உங்களுக்கு உதவ விரும்பினால், இருவரும் இணைய இணைப்பில் செல்ல வேண்டும். பின் அதற்கென உள்ள புரோகிராம் மூலம், உங்கள் இருவருக்கிடையே இணைப்பினை ஏற்படுத்திக் கொள்ள வேண்டும். இப்போது, அவர் எந்த ஊரில் இருந்தாலும், வேறு நாட்டில் இருந்தாலும், உங்கள் கம்ப்யூட்டரை அடைய முடியும். நீங்கள் குறிப்பிட்ட கம்ப்யூட்டர் பிரச்னை என்னவென்று அறிந்து, அங்கிருந்தவாறே, உங்கள் கம்ப்யூட்டரை இயக்கித் தீர்க்க முடியும். இதற்கு TeamViewer அல்லது LogMeIn போன்ற புரோகிராம்கள் நமக்கு உதவுகின்றன. இதனை விண்டோஸ் இயக்கத்தில் இருந்தும் பெறலாம். இதற்கு Control Panel > System > Advanced System Settings > Remote எனச் சென்று பார்க்கவும்.

கம்ப்யூட்டர் பேக் அப் மற்றும் பழுது பார்க்க: DISM (Deployment Imaging Service and Management) என்ற ஒரு டூலினை விண்டோஸ் தருகிறது. இதனைப் பயன்படுத்தி, கம்ப்யூட்டரின் ஹார்ட் டிஸ்க் ஒன்றின் முழு இமேஜ் ஒன்றை எடுத்து பேக் அப் ஆகப் பயன்படுத்தலாம். விண்டோஸ் 10ல் இதனைப் பயன்படுத்தி, கம்ப்யூட்டர் தயாரித்து வழங்கிய நிறுவனம் அளித்த, தேவையற்ற புரோகிராம்களை நீக்கலாம். இன்னும் பல சேவைகளைப் பெறலாம். இதனைப் பயன்படுத்த, அட்மினிஸ்ட்ரேட்டர் உரிமையுடன், கமாண்ட் ப்ராம்ப்ட் விண்டோ சென்று DISM எனக் கட்டளை கொடுத்து, அதில் தரப்படும் ஆப்ஷன்களைப் பெற்று, கவனமாகப் பயன்படுத்தவும்.

புதிய கம்ப்யூட்டருக்கு பைல்களை மாற்ற: புதிய கம்ப்யூட்டர் வாங்கி, மிகுந்த மகிழ்ச்சியுடன் அதனைப் பயன்படுத்தத் தொடங்கினாலும், பழைய கம்ப்யூட்டரிலிருந்து பைல்களை மாற்றுவது, மிகச் சிரமம் கொடுக்கும் காரியமாக இருக்கும். செட்டிங்ஸ் அமைப்பதும் சிக்கலான சூழ்நிலையை உருவாக்கும். இதற்கு விண்டோஸ் எளிதான டூல் ஒன்றைக் கொண்டுள்ளது. அதன் பெயர் Windows Easy Transfer. இந்த டூலைப் பயன்படுத்தி நம் பைல்கள், போல்டர்கள், படங்கள், இசை கோப்புகள், டாகுமெண்ட்கள், மற்றவர்களுடன் பகிர்ந்து கொள்ள என செட் செய்யப்பட்ட போல்டர்கள் ஆகியவற்றை எளிதாக மாற்றிக் கொள்ளலாம். அத்துடன் இ மெயில் செட்டிங்ஸ், மெசேஜ், தொடர்பு முகவரிகளையும் மாற்றிக் கொள்ளலாம். விண்டோஸ் பயன்படுத்துவதில், பழைய கம்ப்யூட்டரில், உங்கள் வசதிக்கென அமைக்கப்பட்ட செட்டிங்ஸ் அமைப்பினை அப்படியே இதற்கும் மாற்றிக் கொள்ளலாம். விண்டோஸ் 7 அல்லது விண்டோஸ் 8.1.ல் ஸ்டார்ட் பட்டன் அழுத்தி, தேடல் கட்டத்தில் “easy transfer” எனத் தேடினால் இந்த டூல் கிடைக்கும். விண்டோஸ் 10 பயன்படுத்துபவர்களுக்கு வேறு சில செயலிகளும் இந்த வகையில் உதவுகின்றன.

பேக்ஸ் என்னும் தொலை நகலி வசதி: விண்டோஸ் சிஸ்டம் வெகு காலமாகவே, பேக்ஸ் அனுப்பும் வசதியினைத் தந்து வருகிறது. முன்பு தொலைபேசி வழியாக இணைய இணைப்பு பெற்ற போது, இதனைப் பலரும் அதிகமாகப் பயன்படுத்தி வந்தனர். ஆனால், இப்போது மேம்படுத்தப்பட்ட சாதனங்கள் இந்த வசதியைத் தருவதாலும், அவற்றின் விலை கட்டுபடியாகும் அளவில் இருப்பதாலும், கம்ப்யூட்டர் வழி பேக்ஸ் பயன்படுத்துவோர் குறைவே. இருப்பினும் அந்த வசதியை எப்படி பயன்படுத்துவது எனப் பார்க்கலாம்.
இந்த டூலுக்கு Windows Fax and Scan என்று பெயர். இதன் மூலம் பேக்ஸ் அனுப்ப, தொலைபேசி இணைப்பினை, பேக்ஸ் மோடம் ஒன்றின் மூலம் இணைக்க வேண்டும். பின்னர், கண்ட்ரோல் பேனலில் கிடைக்கும் இந்த டூல் மூலம் பேக்ஸ் அனுப்பலாம். விண்டோஸ் 10லும் இந்த வசதி தரப்பட்டுள்ளது.

மற்ற ஆப்பரேட்டிங் சிஸ்டங்களை இயக்க / சோதனை செய்திட: நாம் பயன்படுத்தும் விண்டோஸ் கம்ப்யூட்டரிலேயே, இன்னொரு விர்ச்சுவல் கம்ப்யூட்டர் (Virtual Machine) அமைக்கலாம். அந்த விர்ச்சுவல் அமைப்பில், வேறு ஆப்பரேட்டிங் சிஸ்டங்களை இன்ஸ்டால் செய்து பயன்படுத்திப் பார்க்கலாம். இதற்கான டூலின் பெயர் Hyper—V. இதனைப் பயன்படுத்தி, லினக்ஸ், ஏன் விண்டோஸ் 10 கூடப் பயன்படுத்தி சோதனை செய்து பார்க்கலாம். இதில் மேற்கொள்ளப்படும் எந்த கம்ப்யூட்டர் செயல்பாடும், உங்களுடைய விண்டோஸ் முதன்மைக் கம்ப்யூட்டரைப் பாதிக்காது. வழக்கமான கம்ப்யூட்டர் நம் வகுப்பறை என்றால், விர்ச்சுவல் கம்ப்யூட்டர் அதன் விளையாட்டு மைதானமாகும்.
உங்கள் கம்ப்யூட்டரில் Hyper-V இன்ஸ்டால் செய்திட வேண்டும் எனில், Control Panel > Programs and Features > Turn Windows features on or off என்று சென்று பெற்றுக் கொள்ளலாம்.

கம்ப்யூட்டர் சர்வராக: நம் விண்டோஸ் சிஸ்டத்தில், இணைந்தவாறே, அதில் சர்வரை அமைக்கும் டூல் ஒன்று தரப்பட்டுள்ளது. இதன் பெயர் Internet Information Services (IIS). பொதுவாக நம் பெர்சனல் ஹோம் கம்ப்யூட்டரை, இணையத்தில் இயங்கும் அனைவரும் நுழைந்து பார்க்கக் கூடிய சர்வர் கம்ப்யூட்டராக மாற்ற விரும்ப மாட்டோம். ஆனால், எதனையும் செய்து பார்த்திட வேண்டும் என விருப்பம் இருந்தால், வெப் புரோகிராமிங் டூல்ஸ் குறித்து சற்று கற்றுக் கொண்டு, இணைய தளங்கள் அதன் சர்வர்களிலிருந்து எப்படி இயங்குகின்றன என்றும் தெரிந்து கொண்டு, இந்த டூலைப் பயன்படுத்தி, உங்கள் கம்ப்யூட்டரை சர்வராக மாற்றிக் கொள்ளுங்கள். இந்த டூலுடன் File Transfer Protocol (FTP) சர்வர் அமைப்பும் கிடைக்கிறது. இதனைப் பயன்படுத்தி, பைல்களைத் தேக்கி வைத்து, உங்களுடைய சுற்றமும் உறவினர்கள் மட்டும் பயன்படுத்திக் கொள்ளும்படி அமைக்கலாம். இந்த டூலை Control Panel > Programs and Features > Turn Windows features on or off என்று சென்று பெறலாம்.

அறிமுகமில்லாத எழுத்தை அமைக்க: சில வேளைகளில், வழக்கமாக கீ போர்ட் மூலம் அமைக்கும் கேரக்டர், எழுத்து இல்லாமல், புதியதாக ஒன்று அமைக்க வேண்டியதிருக்கும். எடுத்துக் காட்டாக, காப்பி ரைட் அடையாள எழுத்து (©) போன்றவற்றை டைப் செய்திட விரும்பினால், அதற்கு விண்டோஸ் கேரக்டர் மேப் (Windows Character Map) உதவுகிறது. இதனைப் பெற ஸ்டார்ட் கட்டத்தில் கிடைக்கும் தேடல் கட்டத்தில் Character Map அல்லது charmap என டைப் செய்து தேடினால், இது அத்தகைய குறியீடுகள் உள்ள எழுத்து வகைத் தொகுதியினைத் திறந்து காட்டும். தேவையான குறியீட்டினை காப்பி செய்து, டாகுமெண்ட்டில் பேஸ்ட் செய்திடலாம். அல்லது, குறிப்பிட்ட குறியீட்டினைத் தேர்வு செய்து, பின் இந்த விண்டோவில் கீழாக உள்ள Character Code என்ற இடத்தில் காட்டப்படும் குறியீடு எழுத்துகளை, ஆல்ட் கீயுடன் இணைத்து (+ அழுத்திய பின்), காட்டப்பட்டுள்ள குறியீடுகளை டைப் செய்து, பின்னர், ஆல்ட் கீயை விட்டுவிட்ட பின்னர், சம்பந்தப்பட்ட குறியீடு கிடைக்கும். இந்த டூல், அந்த காலத்து விண்டோஸ் தொகுப்பில் இருந்து, தற்போது வரை கிடைக்கிறது.

உடனடி ராம் மெமரி அதிகப்படுத்தல்: முன்பு விண்டோஸ் விஸ்டா தொகுப்பில், ReadyBoost என்று ஒரு டூல் தரப்பட்டது. ராம் மெமரியை, ஹார்ட் டிஸ்க் அல்லது ப்ளாஷ் ட்ரைவில் உள்ள இடத்தில் அதிகப்படுத்தி பயன்படுத்துவதாகும். ஆனால், இதனைச் சரியாகப் பயனாளர்களால், எளிதாகச் செயல்படுத்த முடியவில்லை. அந்த டூல் இருப்பதே பலருக்குத் தெரியவில்லை. தொடர்ந்து, இந்த டூலின் செயல் வகையும், செயல் திறனும் மேம்படுத்தப்பட்டு வந்தது. விண்டோஸ் 10ல், இந்த வசதியின் மூலம், ப்ளாஷ் ட்ரைவிலும் நாம் ராம் மெமரிக்கான கூடுதல் இடத்தைப் பெறும் வகையில், இந்த டூல் மேம்படுத்தப்பட்டுள்ளது. எனவே, விண்டோஸ் 10ல், உங்கள் கம்ப்யூட்டரில் 8 ஜி.பி. ராம் மெமரி இடம் இருந்தாலும், இன்னொரு 8 ஜி.பி. ப்ளாஷ் ட்ரைவ் கொண்டு, ராம் மெமரியைத் தற்காலிகமாக 16 ஜி.பி. ஆக்கலாம். இதற்கு, விண்டோஸ் எக்ஸ்புளோரரில், யு.எஸ்.பி.ட்ரைவின் பெயர் மீது ரைட் கிளிக் செய்து, ப்ராப்பர்ட்டீஸ் என்பதனைத் தேர்ந்தெடுக்கவும். பின்னர், ReadyBoost என்பதில் கிளிக் செய்து, அந்த டூல் கேட்கும் தகவலைத் தந்து, செட் செய்து விட்டால், கூடுதல் ராம் மெமரி கிடைக்கும்.
மேலே சொல்லப்பட்டவை மட்டுமின்றி, விண்டோஸ் இயக்கத்தில், மைக்ரோசாப்ட் பல வசதிகளைத் தருகிறது. அவை அனைத்தையும் தெரிந்து கொண்டால், இந்த அளவிற்குத் திறன் செறிந்த ஆப்பரேட்டிங் சிஸ்டமா இது! என்று வியப்படைவோம். எனவே, நேரம் கிடைக்கும்போது, இதற்கான இணைய தளங்கள் சென்று, இவற்றை அறிந்து கொள்வது மட்டுமின்றி, பயன்படுத்தியும் பார்க்கவும்.

10 கிகா பிட் வேகத்தில் இணைய இணைப்பு

சிங்கப்பூரில் இயங்கும் தகவல் தொடர்பு நிறுவனமான சிங்டெல் (SingTel) முதல் முறையாக, 10- கிகா பிட்ஸ் (10Gbps) வேகத்தில் இணைய இணைப்பினை, சிங்கப்பூரில் உள்ள வீடுகளுக்கு வழங்குகிறது. சென்ற ஆண்டில், சோதனை முறையில், சில வாடிக்கையாளர்களுக்கு மட்டும் 10GPON (Gigabit Passive Optical Network) என்ற தொழில் நுட்பத்தினைப் பயன்படுத்தி, இந்த அதி வேக இணைப்பு சோதனை செய்து பார்க்கப்பட்டது. இத்துடன் 1Gbps வேகத்திலான போர்ட்களையும் அமைத்துத் தருகிறது. இதன் மூலம் ஒரே இணைப்பில் பலர் இணையத் தொடர்பினைப் பெற முடியும்.
10Gbps வேக இணைய இணைப்பில், இரண்டு மணி நேரம் இயங்கக் கூடிய முழு ஹை டெபனிஷன் திரைப்படம் ஒன்றினை, 90 விநாடிகளில் தரவிறக்கம் செய்திட முடியும். அதே 2 மணி நேரம் ஓடக்கூடிய 4கே திரைப்படத்தினை 6 நிமிடங்களில் தரவிறக்கம் செய்திட முடியும்.
இதற்கான கட்டணம் சிங்கப்பூர் டாலர் ஒரு மாதத்திற்கு S$189 (ஏறத்தாழ ரூ. 9,000). இரண்டு ஆண்டுகளுக்கு இந்த சேவையினை ஒப்பந்தம் செய்து கொள்ள வேண்டும். உடன் ஆப்டிகல் நெட்வொர்க் ரெளட்டர் தரப்படுகிறது.
அதிவேக இணைப்பு தேவைப்படும் இல்லங்களுக்கு இது ஓர் அரியசேவை என இதனை அறிமுகப்படுத்திய சிங்டெல் நிறுவனம் அறிவித்துள்ளது.

மின் அஞ்சல்கள்: ஆச்சரியமூட்டும் தகவல்கள் :

மின் அஞ்சல்கள் இல்லாத ஓர் இணையத்தை நம்மால் எண்ணிப் பார்க்க இயலுமா?
''அய்யய்யோ'' என்று நீங்கள் கூக்குரலிடுவது கேட்கிறது. ஏனென்றால், மின் அஞ்சல் நம் வாழ்வோடு இணைந்த ஒன்றாக மாறி, பல ஆண்டுகள் ஆகிவிட்டன. இதனை எல்லாரும் உணர்ந்துள்ளனர். ஆனால், மின் அஞ்சல்கள் குறித்த சில தகவல்களைப் பலரும் அறிந்திருக்க வாய்ப்பில்லை. திகைக்க வைத்திடும் தகவல்கள் சிலவற்றை இங்கு காணலாம்.
1. ஒவ்வொரு நாளும், குத்து மதிப்பாக, 20,500 கோடி மின் அஞ்சல்கள் அனுப்பப்படுகின்றன. அதாவது, ஒவ்வொரு விநாடியிலும், 24 லட்சம் அஞ்சல்கள் அனுப்பப்பட்டு வருகின்றன. இதில் 90% ஸ்பேம் மெயில்கள் என எடுத்துக் கொண்டாலும், மிஞ்சி நிற்கும் அஞ்சல்களின் எண்ணிக்கை நம்மை வியப்பில் ஆழ்த்துகிறது.
2. மின் அஞ்சல் பயன்படுத்துபவர்களில், 91% பேர், தினந்தோறும் ஒரு முறையாவது தங்கள் அஞ்சல் கணக்கைக் காண்கின்றனர். இணையம் பயன்படுத்தாமல் உங்களால் இருக்க முடியுமா? முடியாது. இந்த வகையில், மின் அஞ்சல்கள் சரியான இடத்தைப் பிடித்துள்ளன.
3. மின் அஞ்சல் பயன்படுத்துபவர்களில், 75% பேர் தங்கள் ஸ்மார்ட் போன்களையே பயன்படுத்துகின்றனர். இந்த தகவல் தான், மக்கள் ஸ்மார்ட் போன்களுக்கு அடிமையாகியுள்ளனர் என்பதைக் காட்டியது.
4. ஜிமெயில் சந்தாதாரர்களின் எண்ணிக்கை ஏறத்தாழ நூறு கோடியை எட்டிவிட்டது. இந்த உலகின் ஜனத்தொகை 700 கோடியை எட்டியுள்ளது. இவர்களில், இன்னும் பெரும்பாலானவர்களுக்கு, இணைய இணைப்பு கிடைக்காமல் உள்ளது. எனவே, இணையம் பயன்படுத்தும் அனைவரும் ஜிமெயில் பயன்படுத்துகின்றனர் என்பது, பெரும் வியப்புக்குரிய செய்தியே.
5. நல்ல திறமையுடன் மின் அஞ்சல்களை, வர்த்தகப் பயன்பாட்டிற்குப் பயன்படுத்தினால், நாம் செலவழிக்கும் ஒவ்வொரு நூறு ரூபாய்க்கும், ரூ.4,500 லாபம் ஈட்டலாம். அதனால் தான், நாம் பல ஸ்பேம் மெயில்களை, நாள்தோறும் பெறுகிறோம்.
என்ன, இந்த தகவல்களைப் படித்து தலை சுற்றுகிறதா? இதில் நாமும் ஓர் அங்கம் என்பதனை நினைவில் கொள்ளுங்கள்.

புதிய பிழைச் செய்தி 451:

இரு வாரங்களுக்கு முன், பிரவுசர் தரும் பொதுவான பிழைச் செய்திகள் குறித்து கட்டுரை ஒன்று வெளியிடப்பட்டது. அண்மையில், புதிய எண்ணுடன் கூடிய பிழைச் செய்தி ஒன்றினை, இணையத்தைக் கண்காணிக்கும் பொறியியல் குழு (Internet Engineering Steering Group) ஏற்றுக் கொண்டுள்ளது. இந்த பிழைச் செய்தி எண் 451. ஏதேனும் இணைய தளப் பக்கங்களை, அரசு நிர்வாகம், மக்கள் பார்க்கக் கூடாதவை என முடிவு செய்து, தடுக்கும் போது, இந்த பிழைச் செய்தி காட்டப்படும். குறிப்பிட்ட இணைய தளத்தினை எந்த அமைப்பு தடுத்துள்ளது என்ற தகவலும், இந்த பிழைச் செய்தியில் காட்டப்படும்.
இந்த பிழைச்செய்தி குறியீடு எண் 451 என ஏன் தரப்பட்டது தெரியுமா? Fahrenheit 451 என்ற புகழ்பெற்ற நாவலை கெளரவப்படுத்தும் வகையில் இந்த எண் தரப்பட்டுள்ளது. இதனை எழுதியவர் Ray Bradbury என்பவர். 1953 ஆம் ஆண்டு வெளியான இந்த நாவல் மிகச் சிறந்த படைப்பு என அனைவராலும் பாராட்டு பெற்றது. இதில், அரசின் தீயணைப்பு துறையே, நாட்டில் உள்ள அனைத்து நூல்களையும் நெருப்புக்கு இரையாக்கிவிட்டு, மக்களை தொலைக் காட்சி பார்க்கச் சொல்லி கட்டாயப்படுத்துகிறது. இதனால், மக்கள் நூல்களைப் படிக்கும் பழக்கத்தினை மறந்து, டி.வி. காட்சிகளையும், செய்திகளையும் மட்டுமே பார்க்கின்றனர். இது போன்ற ஒரு நிலைக்கு நாம் தள்ளப்படுவோம் என அறிவுறுத்தும் நாவல் தான் இது. அறிவு சார்ந்த விஷயங்களை அரசு தன் அதிகாரத்தைக் கொண்டு தடை செய்வதனைக் கேலி செய்து எச்சரிக்கும் நாவலாக மக்கள் இதனைக் கருதுகின்றனர்.
இதில் 'பாரன்ஹீட் 451' என்ற வெப்ப நிலை, தாள் தீப்பற்றிக் கொள்ளும் வெப்ப நிலையைக் குறிக்கிறது. இதே பெயரில், 2010 ஆம் ஆண்டில் கம்ப்யூட்டர் கேம் ஒன்றும் வடிவமைக்கப்பட்டது.

மொபைல்போனில், 'சிம் கார்டில்' என்னென்ன இருக்கிறது?

'சிம்' கார்டு இல்லாமல் எந்த ஒரு மொபைல் போன் சேவையின் நெட்வொர்க்குடனும் தொடர்பு கொள்ள முடியாது. சிம் உள்ள போனில் எண்களை அழுத்தியதும், என்ன விதமான மொபைல், அதன் தொடர்பு எண் என்ன, யாருக்கு அழைப்பு போகிறது. அது எந்த மொபைல் சேவை, எந்த இடத்திலிருந்து அழைக்கப்படுகிறது போன்ற தகவல்களை பதிவு அறிய சிம்கார்டு உதவுகிறது. 'சிம்' கார்டுக்குள் ஒரு சிலிக்கன் சில்லு இருக்கும். அதை ஒரு கெட்டி பிளாஸ்டிக் அட்டையில் பதித்திருப்பார்கள். சில்லுடன் பதிக்கப்பட்டுள்ள உலோக, 'சர்க்யூட்' மொபைல்போனின் தொடு முனையுடன் பட்டதும் தொடர்பு ஏற்படும். 'சிம்' கார்டுகள், மினி (25 மி.மீ., நீளம், 15 மி.மீ., அகலம், 0.76 மி.மீ., தடிமன்), மைக்ரோ (15 மி.மீ., நீளம், 12 மி.மீ., அகலம், 0.76 மி.மீ., தடிமன்) மற்றும் நேனோ (12.30 மி.மீ., நீளம், 8.80 மி.மீ., அகலம், 0.67 மி.மீ., தடிமன்) ஆகிய மூன்று அளவுகளில் வருகின்றன.
சிம் கார்டில் ஐ.சி.ஐ.சி.டி., என்ற அடையாளம் காட்டும், 'சர்க்யூட்' இருக்கும். இதில் முதன்மை கணக்கு எண் என்ற 19 இலக்க எண் உள்ளது. மேலும், மொபைல்போன் சேவையைத் தரும் நிறுவனத்தின் அடையாள எண், பயன்படுத்துவோரின் அடையாள எண் ஆகியவை பதிந்திருக்கும்.இது தவிர, ஐ.எம்.எஸ்.ஐ., என்ற சர்வதேச மொபைல் சந்தாதாரர் அடையாள எண்ணும் உண்டு. இந்த 19 இலக்க எண்ணில், முதல் மூன்று இலக்கங்கள், ஒரு தேசத்தை குறிக்கும், அடுத்த மூன்று இலக்கங்கள் மொபைல்போன் சேவை நெட்வொர்க்கின் எண்ணை குறிக்கும். அடுத்து சந்தாதாரரின் அடையாள எண் இருக்கும். மேலும், மொபைல்போன் நெட்வொர்க்கில் சிம்கார்டு முறையாக வாங்கப்பட்டது தான் என்பதை அடையாளம் காட்டும், 'ஆத்தென்டிகேஷன்' எண்ணும், 128 'பிட்' தகவலாக பதிவாகியிருக்கும்.
தவிர, குறிப்பிட்ட அளவுக்கு குறுஞ்செய்திகள் மற்றும் நீங்கள் பதிந்து வைக்கும் பிறரது மொபைல்போன் எண்கள்
ஆகியவையும் இதில் சேமிக்கப்படும்.